Çmimet globale të naftës ranë sërish të premten pas një jave me luhatje të mëdha. Nafta Brent, standardi global, ra me 1.4% në rreth 88 dollarë për fuçi, afër orës 05:00 sipas kohës së Lindjes në SHBA, ndërsa WTI, standardi amerikan, gjithashtu ra me 1.4% në 82 dollarë për fuçi.
“Transporti përmes (Ngushticës së Hormuzit) është ndërprerë, por nuk ka ndaluar plotësisht, ndërsa SHBA-ja dhe Irani aktualisht duket se po shmangin kalimin nga një përshkallëzim i kufizuar në një luftë të gjithanshme”, shkruan analistët e Deutsche Bank në një raport të së premtes.
Brent ka rënë me 9.3%, ndërsa WTI me pothuajse 8% gjatë kësaj jave, edhe pse luftimet mes SHBA-së dhe Iranit kanë rifilluar. Çmimet e naftës zakonisht rriten në periudha konfliktesh ose pasigurie të lartë, por ato janë të prirura ndaj luhatjeve të mëdha për shkak të zhvillimeve të reja dhe përpjekjeve të tregtarëve për të përfituar nga paqëndrueshmëria e tregut.
Çmimet e naftës ende janë dukshëm mbi nivelet e tyre para fillimit të konfliktit.
International Airlines Group, pronari i disa transportuesve, përfshirë British Airways, raportoi një rënie prej 16% të fitimit operativ gjatë tremujorit të dytë, duke përmendur rritjen e kostove të karburantit. Kompania tha gjithashtu se nuk priste të rriste kapacitetin e saj këtë vit, shkruan CNN.
