Raportuesja për Kosovën në Parlamentin Evropian, Viola von Cramon, gjatë kohës kur Kurti po mbante fjalim, ajo i tha se duhet të ketë një qeverisje gjithëpërfshirëse.
“Do të jetë e rëndësishme të shohim një mënyrë gjithëpërfshirëse të qeverisës. Ka qenë përpjekeje enigmatike ndryshimi i Ligjit për Zgjedhje para zgjedhjes së presidentit”, tha ajo.
Në lidhje me vazhdimin e dialogut me Serbinë, von Cramon tha se Kurti po nguron në këtë pikë, por shprehi përkrahjen për vazhdim të këtij procesi.
“Ka pritje të mëdha që ju do ta mbështesin dialogun. E di që ka një lloj ngurimi nga ana juaj, por duam t’iu ofrojmë mbështetje për pjesëmarrje në dialog. Jemi të gatshëm të i’u mbështesim. Qëndrojmë në anën e Kosovës. Nuk i kushtojmë vëmendje këtyre “non papers”, sepse e dimë çka qëndron mbarapa saj- përhapja e frikës”, tha ajo.
