Një person në Vushtrri është arrestuar pasi i njëjti kishte deklaruar për medie se në shtëpinë e tij posedon armatim në vlerë rreth 600 mijë euro.
Siç bëhet e ditur në raportin 24 orësh të Policisë së Kosovës, njësitë policore kanë bërë bastisjen në shtëpinë e të dyshuarit.
Gjatë kontrollit janë gjetur dhe sekuestruar një antiplumb, tre fishekë të pistoletës, një thikë-bajonetë, një brisk dhe një këllëf për armë.
I njëjti më pas është liruar me procedurë të rregullt.
“Rr. Faruk Beqiri, Vushtrri 07.06.2024, 15:28. Është arrestuar i dyshuari mashkull kosovar, pasi që i njëjti gjatë një interviste për media kishte deklaruar se në shtëpinë e tij posedon armatim në vlerë rreth 600 mijë euro. Njësit policore kanë bërë bastisjen në shtëpinë e të dyshuarit, gjatë kontrollit janë gjetur dhe sekuestruar një antiplumb, tre fishekë të pistoletës, një thikë-bajonetë, një brisk dhe një këllëf për armë. Pas intervistimit me vendim të prokurorit i dyshuari është liruar në procedurë të rregullt”, njofton PK.
