Deputetja nga radhët e Partisë Demokratike të Kosovës, Blerta Deliu, sot ka qenë pjesë e Kuvendit vetëm sa për t’u nënshkruar për mëditje dhe ka dalë menjëherë nga salla.
Deliu shihet duke hyrë në sallë dhe duke u nënshkruar në hyrje te pika ku bëhet regjistrimi i deputetëve të pranishëm dhe pasi shkon te tavolina e saj për të marrë diçka, del nga salla dhe nuk kthehet më.
Deliu në seancë ka hyrë disa minuta, pasi Grupi Parlamentar i saj (PDK) e ka lënë sallën në shenjë proteste ndaj mosmiratimit të mocionit për formimin e Komisionit Hetimor Parlamentar për menaxhimin e krizës energjetike.
Nënshkrimet nga deputetët bëhen për të dëshmuar praninë e tyre në seancë në mënyrë që të marrin mëditjet.
Kujtojmë se sipas rregulloreve në fuqi, mëditjet për një muaj, janë 250 euro./Gazeta Enigma/
