Protestuesit antiqeveritar u mblodhën në Jerusalem dje jashtë shtëpisë së kryeministrit izraelit Benjamin Netanyahu, duke ndezur një zjarr në rrugë dhe duke bërë thirrje për dorëheqjen e tij.
“Ne jemi të braktisur – Zgjedhjet tani” ishte shkruar në një baner. Demonstruesit bërtisnin përmes megafonëve, valëvitnin flamuj dhe rrihnin daulle, ndërsa policët qëndronin pranë barrikadave, raporton HINA.
Protestat e tilla janë bërë më të shpeshta, ndërsa lufta e Izraelit kundër Hamasit vazhdon në Gaza, ndërsa konflikti me Hezbollahun e Libanit kërcënon të përshkallëzohet, megjithëse protestat nuk kanë arritur kulmin e tyre siç arritën një vit më parë kur qeveria e Netanyahu u përpoq të bënte ndryshime në sistemin e drejtësisë izraelite.
