Deputeti i PDK-së, Ferat Shala, të martën ka publikuar një fotografi të rrallë me Hashim Thaçin, Kadri Veselin dhe Jakup Krasniqin, të cilët aktualisht po mbahen në hagë, raporton Gazeta Enigma.
Ai këtë e bëri në katër vjetorin e arrestimit të ish-krerëve të UÇK-së, ku theksoi se me ta “i bashkon një jetë angazhim dhe luftë për një ideal të përbashkët”.
“Sa më shumë kalon koha, mungesa e tyre bëhet më e dukshme, madhështia tyre më evidente dhe lufta e tyre më sublime. Sypatrembur, siç ishin gjithmonë, të katërtit e pranuan pa mëdyshje përballjen me drejtësinë, të bindur në pastërtinë e luftës së popullit tonë për liri. E, me besim në drejtësi, faqebardhë do të kthehen në fund”, ka shkruar Shala.
