Juventusi ka barazuar 2-2 kundër skuadrës së Salernitana, madje në fund pati edhe shumë tension për shkak se u anulua me VAR një gol i Milik.
Salernitana e nisi ndeshjen në mënyrë fantastike, duke shënuar në portën e skuadrës vendase pa u bërë 20 minuta lojë. Candreva ishte ai që shtangu Juventusin.
Miqtë nuk u mjaftuan me kaq, pasi në shtesën e pjesës së parë fituan një penallti që e ktheu në gol sulmuesi polak, Piatek. Salernitana shkoi në dhomat e zhveshjes me epërsinë e dy golave.
Juventusi nuk mund të pajtohej me rezultatin. Bardhezinjtë u hodhën në sulm për ta ndryshuar fatin e ndeshjes. Bremer shënoi shpejt në pjesën e dytë, duke e hapur ndeshjen.
Paredes, Milik dhe Vlahovic ishin ata që tentuan golin e barazimit për Juventusin, por nuk ia dolën dot në tentativat e tyre. Alex Sandro në shtesë fitoi një penallti.
Bonucci goditi dhe u ndal nga Sepe, por në topin e kthyer mbrojtësi përfitoi e shënoi duke barazuar. Në fund Milik shënoi dhe pati shumë festë, por me VAR u anulua për pozicion jashtë loje të Bonuccit. Gjithçka përfundoi në barazim 2-2.
