Drejtori i Drejtorisë Komunale të Arsimit në Podujevë, Avni Fetahu Tha në Klan Kosova se nga 40 shkolla në Podujevë, 50 për qind po mbajnë mësim.
Ai u shpreh se janë shkollat profesionale ato që e kanë vullnetin për fillimin e procesit mësimor.
“Prej 40 shkollave që ekzistojnë në komunën e Podujevës, kemi një për qindje prej 50 për qind të mësimdhënësve dhe nxënësve që janë duke e zhvilluar procesin mësimor. Ka disa shkolla siç është gjimnazi, që përkundër vullnetit të nxënësve nuk kanë gatishmëri mësimdhënësitë që të mbajnë mësim. Mirëpo, shkollat profesionale kanë një vullnet dhe gatishmëri”, u shpreh ai.
Fetahu u shpreh se në javën e kaluar disa shkolla të qytetit kanë mbajtur mësim, ndërsa këtë javë edhe në disa fshatra.
“Ne si komunë e Podujevës, jemi që i takojmë subjektit të Lëvizjes Vetëvendosjes dhe përpjekjet tona kanë qenë nga fillimi, nga shtatori që të fillojmë. Për fat të mirë çerdhja ka filluar menjëherë dhe nuk ka pasur shkëkuptje fare dhe përpjekjet tona me drejtorët e shkollave kanë qenë që nga fillmi të fillojë ky proces. Në javën që e lamë pas disa shkolla të qytetit kanë mbajtur mësim dhe kanë bërë shpërndarjen e librave, ndërsa në këtë javë që jemi tani ka pasur një shtrirje më të gjerë të mësimit edhe nëpër fshatra, por edhe në qytet”, u shpreh tutje ai.
