Dy tërmetet kanë goditur Adriatikun në mesditë. Tërmetet kanë qenë me magnitudë 3.1 dhe 3.9. Epiqendra e tërmetit ka qenë ën thellësi të detit dhe nuk ka patur lëkundje në tokë.
Ndërkohë që mëngjesin e sotëm një tërmet i fortë ka goditur Italinë me magnitudë 5.7 rihter.
Sipas Qendrës Sizmologjike Evropiane Mesdhetare tërmeti kishte një thellësi prej 10 kilometrash.
Epiqendra e tërmetit u shënua në bregdet, rreth 64 km në lindje të Rimini.
Tërmeti u pasua nga 3 tërmete të tjera me magnitudë 4.0, 3.6 dhe 3.9 Rihter. Nga kontrollet e para të kryera nga zjarrfikësit dhe mbrojtja civile nuk raportohet për dëme në njerëz apo në ndërtesa.
Mediet në Itali raportuan se lëkundjet e forta sizmike kanë panikosur banorët e Italisë qendrore, të cilët kanë nxituar të dalin nëpër rrugë.
Transporti hekurudhor u pezullua si masë paraprake në Ankona, për shkak të dyshimeve për dëmtim të binarëve derisa të kryen kontrollet.
