Dyshohet se një 50-vjeçar e ka vrarë djalin e tij 28-vjeçar në Peran, dhe nga informata jozyrtare thuhet se viktima kishte qenë duke punuar në ara me traktor, kur babai i tij dyshohet se ka shtënë drejt tij.
I njëjti besohet se ka mbetur i vdekur në vendin e ngjarjes, dhe aty janë ekipet forenzikës dhe policisë që po i kryejnë hetimet.
Nga prokuroria nuk kanë dashur të flasin më tepër rreth rastit. Ndërkaq, nga policia, zëdhënësi Agron Borovci ka thënë se për rastin janë njoftuar rreth orës gjashtë të pasdites.
Te familjarët e tyre që ndodhen në Bradash, aktualisht nuk gjendet askush dhe deri para pak kohësh aty kishte qenë edhe policia.
Ndërkohë, kemi marrë vesh nga informata jozyrtare që të njëjtit kanë pasur edhe probleme me njëri-tjetrin dhe raste në polici.
