Zëdhënësi i Lëvizjes Vetëvendosje, Arlind Manxhuka dhe asamblisti i VV-së në Prishtinë, Egzon Azemi, janë paraqitur sot në Gjykatën Themelore të Prishtinës pas ngritjes së aktakuzës ndaj tyre nën dyshimet që e kanë kanosur gjyqtarin Mentor Bajraktari dhe prokurorin Afrim Shefkiu.
Ata dyshohet t’i kenë kërcënuar këta dy të fundit pas lirimit të ish-policit Dejan Pantiq i cili dyshohej për terrorizëm.
Sipas Nacionales, Manxhuka dhe Azemi kanë shkuar sot në gjykatë pa avokatë, dhe kanë paraqitur vërejtjet e tyre në lidhje me aktakuzën.
Për më tepër, ky medium raporton që seanca është pauzuar deri sa gjykata t’i gjejë avokatët për të dyshuarit.
