Janë publikuar pamjet nga sulmi izraelit në selinë nëntokësore të liderit të Hezbollahut, Hassan Nasrallah në Liban.
Vdekja e Nasrallah ka rritur përshkallëzimet e luftës në Lindjen e Mesme, ku më datë 1 tetor, Irani sulmoi me rreth 200 raketa Izraelin.
Sulmi ndaj ish-kreut të Hezbollahut u zhvillua në Bejrutin jugor dhe kishte në shënjestër një bunker të fortifikuar të vendosur mbi 60 metra nën tokë. Nasrallah dhe anëtarë të tjerë të rangut të lartë të grupit të mbështetur nga Irani ishin mbledhur për të diskutuar strategjitë kundër Izraelit, në mes të presionit në rritje nga Teherani për të shmangur veprimet e menjëhershme hakmarrëse, sipas një raporti nga Wall Street Journal.
Në atë që përshkruhet si një nga sulmet më të mëdha në një qendër urbane, ushtria izraelite përdori gati 80 ton eksploziv, duke përfshirë afërsisht 85 bomba të specializuara “bunker-buster” të dizajnuara për të depërtuar thellë në strukturat e fortifikuara. Këto municione, të afta për të shpuar deri në 30 metra tokë ose gjashtë metra beton të armuar, u përdorën për të thyer mbrojtjen e bunkerit dhe për të siguruar saktësinë e goditjes.
“Gjithçka që kemi planifikuar është realizuar me saktësi, pa gabime, si në inteligjencë, në planifikim, me avionë dhe në vetë operacionin. Gjithçka shkoi mirë,” u tha gazetarëve komandanti i skuadronit të 69-të të IAF, sipas Times of Israel.
