Në kuadër të ndeshjeve të radhës, sot në program janë dy takime në Euro 2020.
Grupi A – faza e grupeve
xhiroja e tretë
Sot janë në program ndeshjet e xhiros së fundit, të tretë, të fazës së grupeve, në kuadër të grupit A – në Euro 2020.
Takohen:
Italy – Wales dhe Switzerland – Turkey
Tabela aktuale, para takimeve të fundit
- Italy 2 – 2 – 0 – 0 – (6 : 0) – 6
- Wales 2 – 1 – 1 – 0 – (3 : 1) – 4
- Swizerland 2 – 0 – 1 – 1 – (1 : 4) – 1
- Turkey 2 – 0 – 0 – 2 – (0 : 5) – 0
Pavarsisht që dy ekipet përfaqësuese, Italia dhe Uellsi, janë në pozita më të mira sa i përket kualifikimit në fazën e eliminimit direkt nga faza e grupeve, marrë parasysh faktin se udhëheqin në tabelë me 6 përkatësisht 4 pikë – kundrejt Zvicrës që është në pozitën e tretë, e që ka tubuar vetëm 1 pikë deri më tani, akoma asgjë nuk është përfundimtare sa i përket ekipeve që kalojnë në fazën e mëtejme.
Në fakt, Zvicra me fitore eventuale ndaj Turqisë me diferencë solide, dhe në anën tjetër mëse Uellsi humb nga Italia me 2 eventualisht 3 gola, atëherë tabela mund të pësoj ndryshimi në radhitje përfundimtare në favor të Zvicrës.
Se cili do të jetë fati i skuadrave në përgjithësi nga grupi A, vecmas skuadrës përfaqësuese të Zvicrës ku luajnë Shaqiri e Xhaka, mbetet të shihet pas takimeve të sotme.
Kujtojmë që propozicionet e reja të UEFA-s, në saje të rezultateve përfundimtare nëpër grupe përkatëse, mund ta dërgojnë edhe ekipin e tretë në fazën e ardhshme, pasi edhe 4 vendet e treta nga katër grupe, që kanë rezultate më të mira përfundimtare, kualifikohen tutje, për të rrumbullaksuar numrin total prej 16 ekipeve në fazën e eliminimit direkt.
