Në sheshin e tejmbushur nga qytetarët që kishin ardhur nga e gjithë bota, u zhvillua dhe ceremonia e ngritjes së flamurit në Tiranë. Nën tingujt e Bandës Frymore, flamuri kuq e zi u ngrit në sheshin e shqiptarëve, ndërsa Vikena Kamenica këndoi edhe himnin kombëtar.
Në krah të kryebashkiakut të Tiranës, Erion Veliaj, ishin dhe drejtues të bashkive dhe komunave shqiptare nga trojet shqiptare, ndërsa nuk mungonin dhe drejtues të organizave të ndryshme të shqiptarëve anekënd botës, përcjellë TCh.
Këtë 28 nëntor, Unioni i Bashkive Shqiptare në Rajon dhe Bashkia Tiranë, në bashkëpunim me Shoqatën “Rrënjët shqiptare”, Kryeministrinë, Ministrinë e Kulturës dhe Arkivin e Shtetit sollën për herë të parë në Tiranë “Paradën e Shqiptarëve”, nën emrin “Rrënjët Kuq e Zi.
