Analisti për çështje ndërkombëtare, Amir Shabani ka bërë një analizë derisa ka renditur sfidat e reja për politikën ndërkombëtare.
Suedia nga 1 janari 2023 do të mbajë Presidencën gjashtëmujore të Këshillit të BE-së, dhe sipas Shabanit ky shtet po e merr Presidencën gjatë krizës më të rëndë të sigurisë që nga Lufta e Dytë Botërore.
“Nga 1 janari 2023, Suedia do të mbajë Presidencën gjashtëmujore të Këshillit të Bashkimit Europian, i njohur edhe si Këshilli i Ministrave. Suedia po merr Presidencën gjatë krizës më të rëndë të sigurisë që nga Lufta e Dytë Botërore. Sfidat me të cilat sot përballet BE-ja, mund të jenë më të mëdha se kurrë më parë të cilat padyshim se kërkojnë zgjidhje diplomatike”, ka shkruar ai.
Ndërsa, sa i përket pushtimit rus në Ukrainë, Shabani thotë se ka shkatërruar paqen në Evropë dhe jo vetëm.
Sipas tij, ka detyruar miliona njerëz të ikin dhe ka ndikuar në rritjen e çmimeve të energjisë dhe inflacionit.
“Pushtimi rus i Ukrainës ka shkatërruar paqen në Europë dhe jo vetëm, ka detyruar miliona të ikin dhe ka ndikuar në rritjen e çmimeve të energjisë dhe inflacionit që po prekin familjet dhe bizneset në të gjithë kontinentin tonë”.
Mes tjerash, Shabani radhiti edhe detyrat thelbësore të presidencës suedeze ndaj Ukrainës. Sipas tij, mbështetja e fortë politike, ushtarake, humanitare për Ukrainën mbetët një detyre thelbërsore gjatë kësaj presidence.
“Ndërtimi i sigurisë për qytetarët e BE-së, forcimi i mbështetjes për Ukrainën dhe përmbushja e tranzicionit klimatik janë tani detyra thelbësore, si dhe duke i dhënë përparësi vazhdimit të udhëheqjes së fortë europiane në tranzicionin drejt një ekonomie pa fosile dhe një axhendë të qartë për të rritur konkurrencën”.
“Mbështetja e fortë politike, ushtarake, humanitare dhe ekonomike për Ukrainën mbetet një detyrë kryesore gjatë kësaj presidence, si dhe promovimi i lidhjeve më të ngushta midis Ukrainës dhe BE-së. Vlerat demokratike, të drejtat dhe liritë themelore të qytetarëve të BE-së janë themeli i bashkëpunimit europian dhe në thelb të zërit të BE-së në botë”.
Ndërsa, që bizneset europiane të rriten në Europë, Shabani thotë se është më rëndësi krijimi I kushteve më të mira dhe këto biznese të konkurrojnë me sukses globalisht.
“Krijimi i kushteve më të mira që bizneset europiane të rriten në Europë dhe të konkurrojnë me sukses globalisht është një detyrë e rëndësishme për vitet e ardhshme. Fuqia e tregut të vetëm dhe hapja ndaj pjesës tjetër të botës janë thelbësore për konkurrencën e BE-së. Tregu unik dixhital do të realizohet dhe do të lidhen marrëveshje të reja të tregtisë së lirë. Europa përfiton nga globalizimi, por në të njëjtën kohë duhet mbajtur një qëndrim të qartë kundër varësive të njëanshme dhe kushteve të padrejta. Që BE-ja të konkurrojë globalisht, kq nevojë më shumë kërkime dhe inovacione europiane”.
Gjithashtu, Shabani shkruan se presidenca suedeze duhet të punojë me vendosmëri për një Europë të gjelbër, më të sigurt dhe më të lirë, për rritjen e konkurrencës evropiane dhe për një zë të fortë evropian në botë. Për sot dhe për të ardhmen.
Ndërsa, Maqedonia e Veriut nga 1 janari 2023 do të merr kryesimin e OSBE-së, ku sipas Shabanit prioriteti kryesor i kryesuesit është përforcimi në fokusin në tërren dhe rëndësinë kritike për mbështetjen dhe fuqizimin e njerëzve.
“Nga ana tjetër, sot më 1 Janar 2023, Maqedonia e Veriut, merr kryesimin e OSBE-së, organizata më e madhe rajonale e sigurisë në botë për një vit, në të cilën prioriteti kryesor i kryesuesit është përforcimi në fokusin në terren dhe rëndësinë kritike për mbështetjen dhe fuqizimin e njerëzve, të cilët ministri i jashtëm i RMV-së, Bujar Osmani i përshkroi si “përfituesit përfundimtarë të rezultateve të OSBE-së”.
Shabani shkruan se ruajtja e vlerave të OSBE-së dhe respektimi i ligjit ndërkombëtar duhet të jetë prioritet i përbashkët.
“Në këto kohë kritike për sigurinë dhe stabilitetin evropian, aktivitetet e Maqedonisë së Veriut si kryesuese do të udhëhiqen nga respektimi i rreptë i parimeve dhe angazhimeve të OSBE-së. Ruajtja e vlerave të OSBE-së dhe respektimi i ligjit ndërkombëtar duhet të jetë një prioritet i përbashkët. Kjo është me rëndësi të madhe. Rindërtimi i besimit dhe angazhimi në dialog kuptimplotë presupozon pajtueshmëri të plotë me angazhimet dhe parimet e OSBE-së të rënë dakord”.
Sipas tij, kryesimi i OSBE-së i Maqedonisë së Veriut do të fokusohet gjithashtu në mbështetjen e rritjes së qëndrueshme ekonomike dhe bashkëpunimit mjedisor.
Madje, Shabani shkruan se kryesuesi i OSBE-së do të angazhohet me të rinjtë dhe shoqërinë civile si forca shtytëse për ndërtimin e demokracive të gjalla dhe elastike.
“Kryesimi i OSBE-së i Maqedonisë së Veriut do të fokusohet gjithashtu në mbështetjen e rritjes së qëndrueshme ekonomike dhe bashkëpunimit mjedisor, të cilat janë thelbësore për sigurinë njerëzore dhe jetike në ndjekjen e paqes dhe prosperitetit për njerëzit në rajonin e OSBE-së”.
“Ai do të mbrojë të drejtat e njeriut dhe do të promovojë tolerancën dhe mosdiskriminimin si parakusht për sigurinë gjithëpërfshirëse. Duke rishikuar zbatimin e parimeve të dimensionit njerëzor, Kryesuesi i OSBE-së do të angazhohet me të rinjtë dhe shoqërinë civile si forca shtytëse për ndërtimin e demokracive të gjalla dhe elastike”.
Si përfundim, Shabani shkruan se OSBE-ja ka dëshmuar se është një pjesë e rëndësishme dhe relevante e përpjekjeve rajonale dhe globale përmes qasjës së saj unike.
“OSBE-ja ka dëshmuar se është një pjesë e rëndësishme dhe relevante e përpjekjeve rajonale dhe globale përmes qasjes së saj unike, holistike ndaj sigurisë. Maqedonia e Veriut duhet angazhuar për të siguruar që OSBE-ja të mbetet një pjesë jetike e përpjekjeve shumëpalëshe efektive, të lidhura me sigurinë”. /Gazeta Enigma/.
