Një grup qytetarësh kanë dalë sot për të protestuar në sheshin “Zahir Pajaziti” në Prishtinë, si reagim ndaj ngjarjeve të rënda të fundit që kanë tronditur opinionin publik dhe kanë ngritur shqetësime për sigurinë e jetës në vend.
Protesta në fjalë është organizuar nga shoqata “Roja e Kohës”.
Në tubim janë mbledhur qytetarë, aktivistë dhe përfaqësues të shoqërisë civile, të cilët po shprehin pakënaqësinë e tyre përmes pankartave dhe mesazheve sensibilizuese.
