Të dielën në Manastirin e Banjskës po qëndronin grupi terrorist i cili sulmoi Policinë e Kosovës.
Por aty nuk ishin vetëm terroristët, në Manastir ishin edhe një grup i pelegrinëve të cilët kishin shkruar për të kryer ritet fetare.
Këtë e konfirmoi dje edhe ministri I punëve të Brendshme, Xhelal Sveçla.
Ata kanë folur për “Danas”, për ngjarjen e asaj dite.
Njëri nga pelegrinët ka treguar se nga ta u vodhën gjësende nga ana e terroristëve.
Por ai ka treguar treguar një gjë interesante. Pelegrini pretendon se KFOR-I kishte hyrë brenda Manastirit të Banjskës por që i injoruan grupin e armatosur, nuk u morën fare me ta.
“Gruas sime iu zhduk celulari, u zhdukën edhe disa sende të tjera të pelegrinëve, i grabitën ata persona të armatosur që normalisht nuk komunikonin fare me besimtarët tanë. Në një moment erdhi KFOR-i, por nuk e kuptoj pse ata [KFOR-i] e injoruan plotësisht grupin e armatosur që ishte ende aty me armë të gjata, por pasi i legjitimuan ata vetëm dolën jashtë”, ka rrëfyer tutje ky pelegrin.
Kujtojmë se nga sulmi terrorist mbeti i vrarë polici Afrim Bunjaku.
