Raundi i dytë i Formula 1 do të rikthehet pas tre javësh nga gara e parë e zhvilluar në Bahrein. Kësaj radhe mikëpritëse e 20 pilotëve më të mirë planetarë do të jetë Çmimi i madh i Imolas në Itali, pistë që është rikthyer për vitin e dytë me radhë.
Kualifikimet në Imola kanë filluar sot ndërsa gara e Grand Prix të Italisë do të filloj të dielën në ora 15:00.
Lewis Hamilton ishte fituesi i parë i vitit 2021 duke triumfuar pas një strategjie të mirë nga Mercedesi në krye me Toto Wolf. Por, përkundër këtij fakti, duket se Red Bull këtë sezon është në një tjetër dimension, dhe se do t’ia bëj shumë më të vështirë dyshes Hamilton – Bottas traditën e ‘supremacisë’ dominuese. Max Verstappen do të kërkojë fitoren e parë ndërsa Sergio Perez, strategjikisht, do t’i qëndroj përkrah shokut të tij të skuadrës.
