Anëtari i PSD-së, Frashër Krasniqi ka reaguar pas arrestimit të kryetarit dhe pesë aktivistëve të tjerë të kësaj partie pas përplasjeve me policinë në zhvillimin e një aksioni kundër vizitës së kryetares së Dhomave të Specializuara në Hagë, Ekaterina Trendafilova.
Krasniqi shkroi në Facebook se kryeministri Albin Kurti po e mbron “me dhunë” Gjykatën Speciale.
“Krejt ju që thuani se Kurti nuk e bëri Gjykatën Speciale, shiheni si po e mbron sot atë gjykatë: me dhunë e arrestime!”, shkroi ai.
Përveç Molliqajt, Policia i arrestoi edhe Nol Nushin, Zgjim Hysenin, Korab Korqën, Agron Kabashin dhe Gent Brahimin.
