Lidhja Demokratike e Kosovës do të vendosë sot nëse do ta shkarkojë Lumir Abdixhikun nga pozita e kryetarit apo do ta konfirmojë atë në krye të partisë.
Delegatët e LDK-së do të mblidhen në orën 18:00 për të vendosur për drejtimin e partisë më të vjetër në vend.
Në ftesat që Abdixhiku ua ka dërguar 354 delegatëve me të drejtë vote, thuhet se Kuvendi do të mbahet në AMC Hall, një sallë ku organizohen ngjarje të ndryshme, e cila ndodhet në Obiliq, vetëm pak kilometra jashtë Prishtinës.
