Deputetja nga Lista Guxo, Donika Gërvalla, ka fajësuar deputetët e partive opozitare për bllokadën në Kuvend.
Ajo tha se këta deputetë “që mendojnë se qytetarët e Kosovës s’e meritojnë këtë bllokadë që në seancën e ardhshme të votojnë për zhbllokim”.
“Situatë e papranueshme dhe kërkon zgjidhje të menjëhershme, por për të gjetur zgjidhje të menjëhershme kërkon reagim racional nga deputetët e opozitës të cilët bllokojnë Kuvendin dhe duke bllokuar Kuvendin dhe bllokojnë edhe mundësinë e tyre për të ushtruar kontrollin e Kuvendit mbi institucionet e pavarura. Të bëj thirrje që kjo qasje bllokuese të ndalet sepse beteja politike bëhet për zgjedhje të qeverisë jo për një temë që është e vetëkuptueshme”.
Gërvalla sërish tentoi të paraqiste që ngecja në Kuvend s’po ndodh për “emrin e përveçëm” të Albulena Haxhiut, por për shkak se s’po votohet për komisionin.
“Është seanca e 10-të ku jemi duke votuar për procedura. Kemi 10 seanca ku s’është më emri i përveçëm, por votimi i fshehtë. Një parlament që e bllokon vetveten natyrisht që lë shije të keqe edhe te miqtë tanë, por edhe te ata që na duan më së paku”, u shpreh ajo.
