Policia në Gjermaninë perëndimore ka thënë se një person i dyshuar se ka qëlluar ndaj oficerëve të premten, duke lënë të plagosur një, është gjetur i vdekur në banesën e tij.
Policia e shtetit të Saarland nuk specifikoi se si burri kishte vdekur. “Hetimi është në vazhdim”, shtoi policia.
Të shtënat filluan pasi oficerët mbërritën me një urdhër gjykate për të kontrolluar banesën e të dyshuarit 67-vjeçar në qytetin e Saarbruecken, sipas deklaratës së policisë.
Policia ka theksuar se i dyshuari u barrikadua në banesën e tij dhe filloi të qëllonte nga një dritare në një barrierë policie dhe automjete.
Më vonë, policia njoftoi se negociatat me të dyshuarin kishin dështuar dhe oficerët po sulmonin banesën.
Policia kishte planifikuar të kontrollonte apartamentin në lidhje me shkeljet e dyshuara të ligjeve për armët e zjarrit. Autoritetet kishin urdhëruar më parë të dyshuarin të dorëzonte armët e tij.
