4 shqiptarë janë arrestuar nga oficerët e antidrogës në Gjermani
Si fillim pas kontrolleve në banesat e tyre javën e kaluar në Hanover, policia kapi dy shpërndarës të vegjël shqiptarë.
Më pas janë shfaqur edhe dy shqiptarë të tjerë 25 dhe 36 vjeç të cilët mesa duket kanë dashur t’u sigurojnë ndihmësve të tyre kokainë të freskët.
Ata u arrestuan gjithashtu gjatë kontrolleve në banesat e tyre në një lagje të Langenhagenit, po në rajonin e Hanoverit.
Prokuroria publike bëri më dije se në banesën e tyre ishin ruajtur rreth katër kilogramë kokainë në pako të mbyllura. Vlera e drogës arrinte vlerën e më shumë se 320,000 euro.
Hetuesit konfiskuan gjithashtu 42.500 euro para kesh që dyshohet se kanë ardhur nga aktiviteti kriminal. Të katër shqiptarët përfunduan në paraburgim.
