Një incident i rëndë ka ndodhur të enjten në Gjilan, ku një person i mitur është therur me thikë nga një tjetër i moshës së tij, pas një përleshjeje që ka përfshirë gjithsej tre të mitur.
Sipas informacioneve të para, tre të miturit janë përleshur mes vete pas një mosmarrëveshjeje që kanë pasur, ku njëri prej tyre më pas përfundoi i therur nga arma e ftohtë, njofton Gazeta Enigma.
Si pasojë e therjes, viktima ka pranuar ndihmë mjekësore.
Ndërkaq, personi i dyshuar për therjen ka përfunduar në Polici.
Pas intervistimit, me vendim të prokurorit i dyshuari do të hetohet në procedurë të rregullt./GazetaEnigma/
