Lidhur me incidentin në ndeshjen Gjilani – Ballkani, ku disa tifozë sulmuan portierin mysafir Stivi Frashërin, duke i shkaktuar lëndime, policia në raportin e saj më të ri ka bërë me dije se janë pesë të arrestuar lidhur me këtë rast të cilësuar si: “Pjesëmarrje në turmë që kryen vepër penale dhe huliganizëm”
Me vendim te prokurorit, pas intervistimit, dy të dyshuar janë dërguar në mbajtje ndërsa, tre të tjerët janë liruar në procedurë të rregullt.
Ja raporti i policisë:
PJESËMARRJE NË TURMË QË KRYEN VEPËR PENALE DHE HULIGANIZËM
Stadiumi i Qytetit, Gjilan, 03.04.2022-15:20. Janë arrestuar pesë të dyshuar meshkuj kosovarë, pasi që të njëjtit dyshohet se kanë kryer veprën si më lartë, me ç ‘rast njëri prej tyre dyshohet se ka sulmuar fizikisht viktimën mashkull shtetas i Shqipërisë. Viktima ka pësuar lëndime trupore dhe i njëjti pas pranimit te tretmanit mjekësor ne Emergjencë është liruar. Me vendim te prokurorit pas intervistimit dy të dyshuar janë dërguar në mbajtje ndërsa, tre te tjerët janë liruar ne procedurë te rregullt.
/Gazeta Enigma/
