Dukagjin Gorani, gazetar, ka komentuar në Pressing të T7, takimin e kryeministrit të Kosovës, Albin Kurtit me presidentin serb, Aleksandër Vuçiq.
Ai ka thënë se çështja dalluese në mes Kurtit dhe bashkësisë ndërkombëtare e Beogradit është çështje interpretuese.
AI thotë se Kurti është pajtuar me Asociacionin, por interpretimi i tij është që të implementohet në fund.
Ndërkaq, Beogradi, por sipas Goranit edhe bashkësisë ndërkombëtare është që implementimi i marrëveshjes të nis me Asociacionin.
”Kryeministri Kurti me gjasë po mendon që bëhet fjalë për interpretim të gabueshëm të marrëveshjes bazike nga ana e Brukselit dhe Beogradit dhe po mendon se interpretimi i tij është i duhur”.
”Përmbajtja e marrëveshjes mbetet e pranueshme për të gjitha palët, Asociacion do të ketë. Çështja e interpretimit të Qeverisë së Kosovës është që Asociacioni të jetë diku kah fundi, ndërkaq interpretimi i Beogradit me gjasë edhe bashkësisë ndërkombëtare kërkojnë që Asociacioni të jetë fillimi i implementimit të marrëveshjes bazike“, ka thënë Gorani.
Po ashtu, ai ka deklaruar se sjellja e Kurtit është lokale dhe elektorale, sipas tij Asociacioni nuk do të implementohet pasi Qeveria kalkulon në elektorat.
