Një çantë krahu është vjedhur në një mënyrë shumë dinake mbrëmë, në Komoran.
Teksa shoferi i një kamioni po e pastronte automjetin, një veturë e tipit “Passat” ndalon buzë tij,
Nga aty, del një person i dyshuar i cili porsa heton që shoferi është në anën e kundërt të kamionit, përvidhet shpejt, hap derën dhe nga aty merr një çantë, në të cilën kishte para, dokumente dhe një çelës i veturës.
Me shpejtësi, vetura është larguar nga vendi i ngjarjes.
E tërë situata u zhvillua buzë një qendre tregtare, diku rreth orës 20:30.
Rasti është raportuar në stacionin policor në Drenas.
