Një e treta e fëmijëve të moshës nga tetë deri në 17 vjeç me një profil në rrjetet sociale kanë gënjyer për datën e tyre të lindjes, kështu që duket se janë mbi 18 vjeç.
Kjo është gjetja e hulumtimit të porositur nga rregullatori Ofcom mes thirrjeve për më shumë mjete të verifikimit të moshës që të vendosen në platformat e internetit për të mbrojtur fëmijët nga përmbajtja e dëmshme.
Kështu, rreth 77% e fëmijëve në grupmoshën e anketuar kanë të paktën një profil të mediave sociale, ku 60% e atyre nën 12 vjeç kanë një të tillë, pavarësisht se shumica e faqeve kanë një kërkesë minimale të moshës 13 vjeç.
Studimi vlerësoi se rreth 47% e fëmijëve në këtë grup e vendosin moshën e tyre në 16 vjeç e lart, ndërsa 32% e kishin vendosur atë në 18 vjeç e lart.
Brenda këtij grupi, studimi vlerësoi se rreth 23% e atyre midis tetë dhe 12 vjeç kishin një profil me një moshë të caktuar në 18, duke i ekspozuar ata ndaj materialeve që synonin të rriturit.
Një hap i tillë vjen pasi qeveri të ndryshme pritet të rikthejnë në parlament projektligjin për sigurinë në internet.
Projektligji do të detyronte platformat të mbrojnë përdoruesit, veçanërisht fëmijët, nga përmbajtjet e paligjshme, të rrezikshme dhe të dëmshme, me gjoba të mëdha dhe bllokime të mundshme në faqet që shkelin rregullat.
Disa platforma, si faqet pornografike, mund të duhet gjithashtu të përdorin metoda të verifikimit të moshës për të parandaluar që fëmijët të kenë qasje në përmbajtje.
