Haradinaj: Qeveria e territ, kurrë asgje nuk qiten në dritë

Haradinaj: Qeveria e territ, kurrë asgje nuk qiten në dritë

Kreu i AAK-së, Ramush Haradinaj ka vazhduar edhe të enjten me kritika kundrejt Qeverisë, me ç’rast theksoi mungesën e energjisë elektrike në disa vende, raporton Gazeta Enigma.

Haradinaj thotë se Qeveria Kurti ka kundërshtuar projektin e kontraktuar të termocentralit “Kosova C”, gazin amerikan, e tani thotë se, sipas tij, kur Kosova është në kolaps energjetik dhe kur pjesa më e madhe e vendit është në terr, mundohen ta shkarkojnë fajin te KEDS-i, njofton Klankosova.tv.

Ai shton se qeveria e tanishme nuk ka ‘qitur’ kurrë asgjë në dritë.

“Kjo Qeveria e territ, ma patën kundërshtuar me krejt fuqinë, projektin e kontraktuar të termocentralit “Kosova C”, që Kosovën e bënte fuqi energjetike, me arsyetimin se çmimi i megavatit prej 80 eurosh, ishte i lartë e sot e paguajnë mesatarisht ka 400 euro; E kundërshtuan gazin amerikan e dolën me bajrak kundër tij;”, ka shkruar Haradinaj në Facebook.

Ai shtoi se “U përfshinë në tregti të energjisë, deri me GEN-in e Beogradit dhe u vunë në mbrojtje të sekserëve të tyre si Martin Berishaj e Nagip Krasniqi, që kishin shpërdoruar miliona euro të buxhetit të Kosovës; Kur e morën pushtetin, bojshin hajgare me “bojlera e filtera”; Tash kur Kosova është në kolaps energjetik dhe kur pjesa më e madhe e vendit është në terr, mundohen ta shkarkojnë fajin te KEDS-i; E shtrenjtuan rrymën për tri herë e asgjë nuk qiten në dritë; Këta kurrë asgjë nuk qiten në dritë”. / Gazeta Enigma.

Related Articles