Kryetari i AAK-së, Ramush Haradinaj ka shprehur ngushëllime për vdekjen e policit nga Kaçaniku i cili nuk arriti të mbijetonte nga plagët e marra, raporton Gazeta Enigma.
Haradinaj thotë se i ndjeri ka qenë një atdhetar i dëshmuar, i cili qysh si i ri iu bashkua radhëve të UÇK-së për çlirimin e vendit dhe më pas, në liri, i shërbeu me përkushtim Kosovës nën uniformën e Policisë.
“Thellësisht i prekur nga lajmi për vrasjen në rrethana të paqarta të pjesëtarit të Policisë së Kosovës, Muhamed Lika, pranë shtëpisë së tij në Kaçanik. I ndjeri ishte një atdhetar i dëshmuar, i cili qysh si i ri iu bashkua radhëve të UÇK-së për çlirimin e vendit dhe më pas, në liri, i shërbeu me përkushtim Kosovës nën uniformën e Policisë. Jeta dhe vepra e tij janë shembull i përkushtimit ndaj atdheut dhe mbrojtjes së qytetarëve”, u shpreh Haradinaj.
Ai po ashtu shprehu ngushëllime ndaj familjarëve të policit të vrarë teksa kërkoi nga institucionet “zbardhjen e menjëhershme të këtij rasti dhe sjelljen e autorëve para drejtësisë!”. / Gazeta Enigma.
