Kryetari i Aleancës për Ardhmërinë e Kosovës, Ramush Haradinaj, e ka komentuar vendimin e Gjykatës Kushtetuese që ndalon çdo veprim apo vendim të deputetëve nga 27 korriku deri më 8 gusht, raporton Gazeta Enigma.
Ai atë e ka parë si shenjë pozitive.
Ai ka theksuar se ka mundësi që gjykata të publikojë një vendim të ri për dy javë që do t’i jepte zgjidhje situatës.
“Koha është e shkurt, kjo masa e përkohshme është për dy javë. Na jep shpresë se do ketë zhvillime të reja apo vendim të ri të gjykatës. Kjo dy javë nuk është e keqe. Është e mundshme që gjykata ka paraparë që kaq kohë i nevojitet deri në një zhvillim të ri”, tha kreu i AAK-së.
“Është situatë e rëndë me Deharin, është nervozë, ajo frikë që po ndodh naj tragjedi nëse dikush e thotë një fjalë. Panik e tilë nuk e kuptoj. Ne nuk mendojmë që duhet të favorizohen zgjedhjet pa i shteruar mundësitë me kriju institucione. Nuk do të ishte në rregull me zgjedhje, sepse ato mund ta na sjellin në situatë të ngjashme”, tha Haradinaj.
/ Gazeta Enigma.
