Ministrja e Drejtësisë, Albulena Haxhiu, thotë se me qeverinë Kurti, dialogu me Serbinë, do të ndryshojë në mënyrë rrënjësore.
Haxhiu theksoi se tani e tutje, dialogu me Serbinë, duhet të përgatitet mirë dhe të bëhet me një ekip serioz dhe të vullnetshëm.
Ajo shtoi se me kryeministrin, Albin Kurti, tema e ndarjes së Kosovës, nuk do të mund të ndodhë.
“Dialogu do të ndryshojë shumë. Fillimisht ai duhet të përgatitet mirë. Pastaj, Kosova dhe Serbia, duhet të ulen si vende të barabarta. Temat si shkëmbimi i territoreve e këto tjerat, nuk të ndodhin me Qeverinë Kurti dhe me Albin Kurtin kryeministër”, ka thënë Haxhiu në Blic Interview.
Deklarimet e saj vijnë pas vizitës së Kurtit në Bruksel, i cili thotë se po mban takime informative me zyrtarë të BE’së lidhur me çështjen e dialogut.
