Nënkryetari i LDK-së, Lufti Haziri thotë se kryeministri Albin Kurti nuk ka guxim që draftin e Asociacionit ta dërgojë në Gjykatë Kushtetuese.
“Një kryeministër që nuk guxon ta dërgojë vendimin e vet në Gjykatë Kushtetuese, nuk mund ta dërgojë, nuk guxon”, tha ai.
“S’po guxon një vendim të qeverisë ta dërgojë në Gjykatë, të ia besojë burrave dhe grave që janë niveli më i lartë i drejtësisë që lidhet me kushtetutën”, shtoi Haziri.
Ish-kryetari i Gjilanit, kështu u shpreh në një konferencë për media të cilën e mbajti në Zyrat e LDK-së në qytetin të cilin Haziri dikur e udhëhiqte.
