Kryetarja e Gjykatës Kushtetuese, Arta Rama-Hajrizi, ka pritur në takim ambasadoren e Mbretërisë së Holandës në Kosovës, Carin Lobbezoo.
Gjatë këtij takimi u bisedu për punën e Gjykatës në kohë pandemie, sfidat në vendimmarrje dhe përkushtimi për zgjidhjen e lëndëve gjyqësore.
“Në vijim të bisedës, të dyja palët shkëmbyen pikëpamjet e tyre rreth zhvillimeve të fundit në lëmin e drejtësisë kushtetuese, si dhe rreth përpjekjeve të vazhdueshme që po bëhen nga institucionet e vendit për konsolidimin e shtetit të së drejtës, forcimin e pavarësisë së gjyqësorit dhe rritjen e transparencës në sistemin e drejtësisë”, thuhet në njoftimin e Kushtetueses.
Kryetarja Rama – Hajrizi, tutje shprehu mirënjohjen e saj për ndihmën e ofruar ndër vite nga qeveria holandeze, në financimin e projekteve të ndryshme për ngritjen e kapaciteteve profesionale të Gjykatës Kushtetuese.
“Ambasadorja Lobbezoo u zotua se Holanda do të vazhdojë përkrahjen për Kosovën edhe në të ardhmen dhe theksoi rëndësinë e thellimit të bashkëpunimit ndërmjet dy vendeve veçanërisht në fushën e rendit dhe ligjit”, njofton Kushtetuesja.
