Ambasadori amerikan në Kosovë, Jeffrey Hovenier, ka shprehur ngushëllime me rastin e ndarjes nga jeta, të diplomates Tina Kaidanow, e cila ishte ambasadorja e parë e SHBA-së në Kosovë.
Hovenier tha se Kaidanow la një trashëgimi të qëndrueshme në rajon, meqë i kushtoi karrierën e saj avancimit të paqes veçanërisht me mbështetje për popullin e Kosovës.
”Ne vajtojmë vdekjen mikes dhe koleges sonë, Ambasadores Tina Kaidanow, ambasadores së parë të Shteteve të Bashkuara në Republikën e Kosovës. Një anëtare karriere e shërbimit diplomatik të SHBA-së, Ambasadorja Kaidanow la një trashëgimi të qëndrueshme në rajon, pasi ajo ia kushtoi karrierën e saj avancimit të paqes dhe sigurisë, në veçanti duke mbështetur popullin e Kosovës për të arritur vizionin e tyre për një demokraci sovrane, multietnike dhe të suksesshme”, tha Hovenier në një postim.
“Do të na mungojë shumë. I dërgojmë ngushëllimet tona familjes së saj dhe të gjithë atyre që patën privilegjin ta njohin”, shtoi ambasadori.
