Ambasadori në largim i ShBA-së në Kosovë, Jeff Hovenier, iu bashkua sot presidentes Vjosa Osmani për të vendosur kurorë lulesh për nder të presidentit Rugova – si akt i tij i fundit zyrtar në rolin e ambasadorit të ShBA-së në Kosovë.
Në postimin e tij në platformën X, ai njofton se kur kishte mbërritur për herë të parë në Kosovë, vendosi kurorë në statujën e presidentit Rugova dhe theksoi përvojën e tij personale duke e parë atë të avanconte rezistencën paqësore, të drejtat e njeriut dhe barazinë.
“Vizioni i tij për një Kosovë të lirë, demokratike vazhdon të jetë frymëzim. Ka qenë nder të shërbej si oficer i Shërbimit të Jashtëm të ShBA-së për gati 35 vjet, shumë prej të cilëve u shpenzuan duke punuar në mbështetje të një Kosove të pavarur, multietnike dhe demokratike”.
“Jam i përulur dhe i nderuar nga mundësia që kam pasur këto tre vjetët e fundit si ambasador për të punuar me popullin e Kosovës për të promovuar më tej atë vizion. Lamtumirë Kosovë. Gjithmonë do të kesh një vend të veçantë në zemrën time”, shkroi Hovenier.
Today, I joined President @VjosaOsmaniPRKS to lay a wreath in honor of President Rugova – my last official act as the U.S. Ambassador to Kosovo. When I first arrived in Kosovo, I laid a wreath at President Rugova’s statue and highlighted my personal experience in seeing him… pic.twitter.com/23nDntqnzW— Ambassador Jeff Hovenier (@USAmbKosovo) December 27, 2024
