Ish-ministri i Jashtëm, Enver Hoxhaj, ka kritikuar Spanjën dhe shtetet tjera evropiane që kanë vendosur të njohin Palestinën, e jo Kosovën.
Përmes një postimi në X, ai tha se kjo qasje nuk u bën nder as Spanjës e as shteteve tjera evropiane, duke u rreshtuar me politikën ruse në raport me Kosovën.
“Spanja ende refuzon të njohë shtetin më të ri të Evropës, Kosovën, duke përmendur procesin e dialogut të Brukselit, megjithatë ajo njeh Palestinën jashtë Marrëveshjes së Oslos”.
“Nuk i sjell asnjë nder Spanjës dhe shteteve të tjera evropiane të jenë në të njëjtën barkë me Rusinë në Kosovë”.
“Hipokrizi diplomatike?”, shkroi Hoxhaj.
