Kryetari aktual i Komunës së Gjilanit dhe kandidati për një mandat të dytë, Alban Hyseni, ka deklaruar se qytetarët e Gjilanit kanë konfirmuar fuqishëm mbështetjen për Lëvizjen VETËVENDOSJE!, duke shprehur bindjen se më 12 tetor fitorja do të arrihet me shumicë të qartë dhe pa balotazh.
“Sonte njëzëri e konfirmuam dhe e shprehëm bindshëm se më 12 tetor shënojmë fitoren e jashtëzakonshme me të parën dhe pa balotazh.Në këtë tubim masiv e vulosëm drejtimin tonë për një Gjilan më të zhvilluar dhe më të bashkuar se kurrë, e tubimi u bë edhe më madhështor me prezencën e Kryeministrit Albin Kurti, i cili bashkë me Lëvizjen VETËVENDOSJE! prin drejt punëve të mira për Gjilanin tonë.”, ka shkruar mes tjerash ai.
