Reporterja e CNN-it që mbulon zhvillimet në Shtëpinë e Bardhë, Natasha Bertrand, ka shpërndarë një deklaratë të Presidentit të Ukrainës, Volodymyr Zelenskiy, ku tregon se i ka pyetur 27 liderët e Evropës nëse Ukraina do të jetë pjesë e NATO-s.
Sipas tij, secili prej tyre ishte i frikësuar dhe nuk i kanë dhënë përgjigje.
“Sot i pyeta të 27 liderët e Evropës nëse Ukraina do të jetë në NATO, i pyeta direkt. Secili është i frikësuar, nuk u përgjigjën. Dhe ne nuk jemi të frikësuar, ne nuk jemi të frikësuar nga asgjë”, ka deklaruar Zelenskyi.
Presidenti ukrainas, Volodymyr Zelenskiy, tha të premten se agresioni i vazhdueshëm rus kundër vendit të tij tregoi se sanksionet e vendosura ndaj Moskës nga Perëndimi nuk ishin të mjaftueshme.
Zelenskiy tha se bota po vazhdonte të vëzhgonte se çfarë po ndodhte në Ukrainë “nga larg”.
Ai foli pasi autoritetet e Ukrainës thanë se kryeqyteti Kiev ishte goditur nga raketat ruse në orët e para të mëngjesit të së premtes.
