Presidenti ukrainas, Volodymyr Zelensky e përshkroi të hënën inaugurimin e Donald Trumpit, si “një ditë ndryshimi dhe shprese” për “zgjidhjen e shumë problemeve, përfshirë sfidat globale”.
Ai vlerësoi “politikën e paqes përmes forcës” të Trumpit, duke thënë se ajo ofron një mundësi për të arritur një paqe afatgjate dhe të drejtë.
“Ky shekull është duke u formësuar tani dhe ne duhet të punojmë të gjithë së bashku për të siguruar që ai të jetë një shekull i madh dhe i suksesshëm për demokracitë, jo për ata që duan që ne të dështojmë. Ne jemi më të fortë së bashku dhe mund të ofrojmë siguri, stabilitet më të madh, dhe rritje ekonomike për botën dhe dy kombet tona”, tha Zelensky.
