Numri i vdekjeve nga COVID-19 në Indi ka kaluar mbi 300 mijë ndërsa vendi po vazhdon të ndeshet me pandeminë.
Ekspertët paralajmërojnë se numri i vërtetë i viktimave mund të jetë shumë më i lartë pasi shumë vdekje nuk regjistrohen zyrtarisht.
India ka regjistruar 26 milionë raste dhe tani është epiqendra e pandemisë globale.
Vendi është gjithashtu i treti në botë që regjistron më shumë se 300,000 vdekje – pas ShBA-së dhe Brazilit.
U desh më pak se një muaj për të regjistruar 100,000 vdekjet e fundit.
Një valë e dytë vdekjeprurëse në javët e fundit ka mbingarkuar sistemin e kujdesit shëndetësor të vendit, me spitalet që luftojnë për të përballuar fluksin e pacientëve dhe me barnat kritike dhe oksigjenin që mbaron, shkruan BBC
