Kryeministri i Shqipërisë, Edi Rama, ka deklaruar se procesi i integrimit evropian mbetet objektivi më i madh strategjik i vendit dhe një “mision i pandryshueshëm” për shqiptarët.
Gjatë një aktiviteti në Tiranë për shënimin e Ditës së Evropës, Rama theksoi se Bashkimi Evropian përfaqëson projektin më të madh të paqes dhe bashkëjetesës në historinë moderne, i ndërtuar pas Luftës së Dytë Botërore mbi parimet e unitetit dhe moskonfliktit mes popujve.
Ai u shpreh se Shqipëria e konsideron integrimin në Bashkimi Evropian si një amanet kombëtar dhe një projekt që nuk ka alternativë, duke kujtuar periudhën e izolimit të vendit në të kaluarën.
Sipas Ramës, mbështetja e qytetarëve shqiptarë për anëtarësimin në BE mbetet shumë e lartë, ndërsa reformat e ndërmarra në këtë drejtim janë pjesë e një procesi të pakthyeshëm shtetëror.
Në fund, ai theksoi se Shqipëria po synon të forcojë rolin e saj ndërkombëtar dhe të tregojë progresin e arritur në rrugën drejt integrimit evropian.
