Irani është përfshirë nga një ndërprerje pothuajse totale e internetit, ka bërë të ditur organizata ndërkombëtare për monitorimin e rrjeteve, NetBlocks.
Në një postim zyrtar në platformën X (ish-Twitter), NetBlocks konfirmoi ndërprerjen masive, duke theksuar se ajo vjen pas një serie ndërprerjesh të pjesshme të vërejtura më herët gjatë përshkallëzimit të tensioneve në rajon, veçanërisht në lidhje me konfliktin e vazhdueshëm me Izraelin.
“Sot, Irani po përjeton një bllokadë pothuajse të plotë të internetit. Kjo ndërprerje vjen në një moment të ndjeshëm të krizës rajonale, ku komunikimi i brendshëm dhe ndërkombëtar po bëhet gjithnjë e më i vështirë,” thuhet në njoftimin e NetBlocks.
⚠️ Confirmed: Live network data show #Iran is now in the midst of a near-total national internet blackout; the incident follows a series of earlier partial disruptions and comes amid escalating military tensions with Israel after days of back-and-forth missile strikes 📉 pic.twitter.com/Iu598aIMRJ— NetBlocks (@netblocks) June 18, 2025
