Ushtrues detyre i kryetarit të Bordit të Organit Shqyrtues të Prokurimit (OSHP) është caktuar anëtari më i vjetër i këtij institucioni, Isa Hasanin.
Emërimi i tij vjen pas dorëheqjes së Vjosa Gradinaj Mexhuani.
OSHP aktualisht po ballafaqohet me mjaft kritika sa i përket vonesave në zgjidhjen e ankesave duke tejkaluar afatet ligjore, pastaj me mungesë të konsistencës në vendimmarrje, shpërndarjen e pabarabartë të rasteve te ekspertët shqyrtues, e deri te dyshimet për afera të korrupsionit.
Përveç pozitës së kryetarit, në OSHP edhe pozita e sekretarit aktualisht është me ushtrues të detyrës. Mbi 6 muaj si ushtrues detyre i sekretarit në OSHP është Agim Sheqiri, pasi që OSHP nuk ka hapur konkursin për sekretar deri më sot.
Dy ditë më herët, kryetarja e Bordit të Organit Shqyrtues të Prokurimit Publik (OSHP), Vjosa Gradinaj-Mexhuani, ka dhënë dorëheqje nga kjo pozitë për të vazhduar detyrën e noteres në territorin e Ferizajt.
