Ministri i Jashtëm i Italisë ka paralajmëruar se miliona njerëz mund të vdesin nga uria nëse Rusia nuk zhbllokon portet e Ukrainës, me dhjetëra miliona ton drithë që aktualisht ndodhen të bllokuara aty.
“Javët e ardhshme do të jenë vendimtare për zgjidhjen e situatës,” tha Luigi Di Maio në një konferencë mbi krizën ushqimore të mbajtur në Romë, shkruan Aljazeera.
“Dua të them qartë, ne presim sinjale të qarta dhe konkrete nga Rusia, sepse bllokimi i eksporteve të grurit do të thotë të mbash peng dhe të dënosh me vdekje miliona fëmijë, gra dhe burra.
Ukraina është një nga eksportuesit më të mëdhenj në botë të vajit të grurit, misrit dhe lulediellit, por lufta dhe bllokada ruse e porteve të saj e kanë ndalur pjesën më të madhe të këtij fluksi, duke rrezikuar furnizimet ushqimore në shumë vende.
Shumë nga ato porte tani janë gjithashtu të minuara./Gazeta Enigmna/
