Java fillon me mot të mirë, nga kjo ditë paralajmërohet zbritje e temperaturave

Java fillon me mot të mirë, nga kjo ditë paralajmërohet zbritje e temperaturave

Instituti Hidrometeorologjik i Kosovës (IHMK) njofton se gjatë ditëve në vijim do të ketë ulje të temperaturave, sidomos nga dita e marte, pavarësisht se kjo javë do të fillojë me mot të mirë.

“Java fillon me mot të mirë dhe me temperatura të ngjashme me ditët e fundit. Në juglindje dhe lindje të vendit ka mundësi të ketë riga shiu. Nga dita e martë i gjithë vendi do të ndikohet nga masat e ajrit me presion të ulët atmosferik”.

“Kjo situatë nuk do të zgjasë por do të krijohen kushte për reshje shiu dhe bore në viset e ulëta dhe mesatare, kurse në viset e larta parashihen reshje bore”, thuhet në njoftimin e IHMK-së.

Temperaturat do të bien në mesditë deri në 5 gradë.

Nga dita e mërkurë parashihen kushte tjera meteorologjike, sidomos në temperaturat e dy vlerave.

Minimalet gjatë javës do të lëvizin ndërmjet -3 deri 3 gradë Celsius, ndërsa maksimalet e ditës parashihen të lëvizin ndërmjet 5-14 gradë Celsius. /Gazeta Enigma/.

Related Articles