Kryeministri italian Mario Draghi do të japë dorëheqjen disa orë pasi partneri i koalicionit populist Pesë Yjet tërhoqi mbështetjen e tij në një votëbesimi të madh.
Ish-kreu i Bankës Qendrore Evropiane ka udhëhequr një qeveri uniteti që nga shkurti i vitit 2021.
Në një deklaratë, ai tha se pakti i besimit që kishte mbështetur qeverinë e unitetit ishte zhdukur.
“Do t’ia dorëzoj dorëheqjen presidentit të republikës sot në mbrëmje”, citon BBC të ketë thënë Draghi.
Kriza në ekonominë e tretë më të madhe të BE-së u shkaktua kur udhëheqësi i Pesë Yjet, Giuseppe Conte, refuzoi të mbështesë paketën e ndihmës ekonomike të qeverisë prej 23 miliardë eurosh (19.5 miliardë £) për familjet dhe bizneset, duke argumentuar se Draghi nuk po bënte mjaftueshëm për të përballuar koston e jetesës në këtë krizë.
Edhe pse qeveria fitoi me lehtësi votimin e së enjtes në Senat, kryeministri kishte paralajmëruar vazhdimisht se pa mbështetjen e Pesë Yjeve qeveria nuk mund të vazhdonte.
