Profesori amerikan Edward Joseph, dje ka takuar emisarin sllovak, Miroslav Lajcak, me të cilin kanë diskutuar për dialogun Kosovë-Serbi.
Joseph ka thënë se është nder i veçantë të flasë për një temë të tillë me sllovakun, duke e cilësuar si “më i palodhuri.
Joseph e ka vlerësuar lartë punën e Lajçakur përgjatë këtyre katër viteve si emisar, duke thënë se askush nuk ka qenë më i përkushtuar ndaj detyrës së ndërmjetësimit të dialogut më shumë se ai.
“Një nder i veçantë për të diskutuar për Dialogun Kosovë-Serbi në Bruksel me të palodhurin Miroslav Lajçak, Përfaqësues Special i BE-së. Faleminderit, Miro, për këto biseda domethënëse gjatë këtyre 4+ viteve të fundit. Askush nuk ka qenë më i përkushtuar ndaj detyrës”, ka shkruar Joseph.
Kujtojmë se mandati i Lajçakut si emisar përfundon më 31 janar.
