Analisti politik, Vehbi Kajtazi, ka thënë se Lëvizja Vetëvendosje ka tentuar që t’ia marrë LDK-së dy deputete, Serbeze Muçajn dhe Arjeta Abazin, raporton Gazeta “Enigma”.
Sipas Kajtazit, VV-ja po tenton të marrë deputeten Abazi përmes bashkëshortit të saj, i cili është biznesmen.
“Kanë synime dhe shpresojnë që ta kenë deputeten tjetër të LDK-së nga Podujeva që u zgjodh për herë të parë, pasi bashkëshorti i saj është biznesmen, është pronari i një nga qendrat tregtare këtu në Prishtinë dhe nëpërmjet lidhjeve biznesore kanë shpresë që do ta marrin. Arjeta Abazin”, tha Kajtazi në Rubikon.
Kurse, për sa i përket zhvillimeve brenda LDK-së, Kajtazi tha se zyrtarët e kësaj partie të cilët po ankohen, nuk e duan dhe nuk e kanë përfillur shumë.
“Këto që po ndodhin, ka ankesa prej zyrtarëve të LDK-së që Lumir Abdixhikun nuk është që e kanë përfillur shumë dhe nuk e duan as për kryetar, po flas për Avdullah Hotin, Driton Selmanaj, Arben Gashin, në kuptimin që nuk janë shumë të kënaqur pse Lumirin e kanë për kryetar”, tha ai.
