Katër persona janë lënduar si pasojë e një aksidenti mes dy veturave afër Liqenit të Livoqit.
Lajmin e ka konfirmuar zëdhënësi i policisë për rajonin e Gjilanit, Valon Osmani.
“Me datën 17.07.2025 rreth orës 16:00 kemi pranuar informacion për një aksident trafiku afër liqenit të fshatit Livoq. Në këtë aksident kanë qenë të përfshira dy veturave, ku përpos dëmeve material lëndime trupore kanë pësuar katër persona”, tha Osmani
Osmani tutje bëri të ditur se personat e lënduar janë dërguar në emergjencën e Gjilanit për trajtim të mëtutjeshëm, ndërsa rrethanat e aksidentit po hetohen nga hetues të aksidenteve.
